ഗണേശപഞ്ചരത്ന സ്തോത്രം

ഓം ഗം ഗണപതയേ നമഃ.🙏

1

മുദാ കരാത്തമോദകം സദാ വിമുക്തിസാധകം 

കലാധരാവതംസകം വിലാസിലോകരക്ഷകം 

അനായകൈകനായകം വിനാശിതേഭദൈത്യകം 

നതാശുഭാശു നാശകം നമാമി തം വിനായകം 

2

നതേതരാതിഭീകരം നവോദിതാർക്കഭാസ്വരം 

നമൽസുരാരി നിർജരം നതാധികാപദുദ്ധരം 

സുരേശ്വരം നിധീശ്വരം ഗജേശ്വരം ഗണേശ്വരം 

മഹേശ്വരം തമാശ്രയേ പരാത്പരം നിരന്തരം 

3

സമസ്തലോകശങ്കരം നിരസ്തദൈത്യകുഞ്ജരം 

ദരേതരോദരം വരം വരേഭവക്ത്രമക്ഷരം 

കൃപാകരം ക്ഷമാകരം മുദാകരം യശസ്കരം 

നമസ്കരം നമസ്കൃതാം നമസ്കരോമി ഭാസ്വരം 

4

അകിഞ്ചനാർത്തിമാർജനം ചിരന്തനോക്തിഭാജനം 

പുരാരിപൂർവ്വനന്ദനം സുരാരിഗർവ്വചർവണം 

പ്രപഞ്ചനാശഭീഷണം ധനഞ്ജയാദിഭൂഷണം 

കപോലദാനവാരിണം ഭജേ പുരാണവാരണം 

5

നിതാന്തകാന്തദന്തകാന്തിമന്തകാന്തകാത്മജം 

അചിന്ത്യരൂപമന്തഹീനമന്തരായകൃന്തനം 

ഹൃദന്തരേ നിരന്തരം വസന്തമേവയോഗിനാം 

തമേകദന്തമേകമേവ ചിന്തയാമി സന്തതം 

ഫലശ്രുതി :-

മഹാഗണേശ പഞ്ചരത്നമാദരേണ യോന്വഹം 

പ്രജല്പതി പ്രഭാതകേ ഹൃദി സ്മരൻ ഗണേശ്വരം 

അരോഗതാമദോഷതാം സുസാഹിതീം സുപുത്രതാം 

സ്മീഹിതായുരഷ്ടഭൂതിമഭ്യുപൈതി സോചിരാത്! 

***

(ഗണേശപഞ്ചരത്ന സ്തോത്രം  - രചയിതാവ്  ശ്രീ  ശങ്കരാചാര്യർ )