അംബാഷ്ടകം

 അംബാഷ്ടകം അഥവാ നവരത്നമഞ്ജരീ

ചേടീഭവന്നിഖിലഖടീകദംബതരുവാടീഷു നാകപടലീ- var വനവാടീഷു

കോടീരചാരുതരകോടീമണീകിരണകോടീകരംബിതപദാ .

പാടീരഗന്ധികുചശാടീകവിത്വപരിപാടീമഗാധിപസുതാ

ഘാടീകുലാദധികധാടീമുദാരമുഖവീടീരസേന തനുതാം .. 1..

കൂലാതിഗാമിഭയതുലാവലീജ്വലനകീലാ നിജസ്തതിവിധൗ

കോലാഹലക്ഷ്മപിതകാലാമരീകുശലകീലാലപോഷണനഭഃ . var കലശകീലാല

സ്ഥലാ കുചേ ജലദനീലാ കര കലിതലീലാ കദംബവിപിനേ

ശൂലായുധപ്രണതിശീലാ വിഭാതു ഹൃദി ശൈലാധിരാജതനയാ .. 2.. var ഭവതു

യത്രാശയോ ലഗതി തന്നാഗജാ വസതു കുത്രാപി നിസ്തുലശുകാ var തത്രാഗജാ

സുത്രാമകാലമുഖസത്രാശനപ്രകരസുത്രാണകാരിചരണാ .

ഛത്രാനിലാതിരയപത്രാഭിരാമഗുണമിത്രാമരീസമവധൂ

കുത്രാസഹന്മണിവിചിത്രാകൃതിഃ സ്ഫുരിതപുത്രാദിദാനനിപുണാ .. 3.

ദ്വൈപായനപ്രഭൂതിശാപായുധത്രിദിവസോപാനധൂലിചരണാ

പാപാപഹസ്വമനുജാപാനുലീനജനതാപാപനോദനിപുണാ .

നീപാലയാ സുരഭിധുപാലികാ ദുരിതകൂപാദുദഞ്ചയതു മാം var സുരഭുധൂപാലകാ

രൂപാഭികാ ശിഖരിഭൂപാലവംശമണിദീപായിതാ ഭഗവതീ .. 4.

യാലീഭിരാത്മതനുതാലീസകൃത്പ്രിയകപാലീഷു ഖലതി ഭവ- var ഭയ-

വ്യാലീനകുല്യസിതചൂലീഭരാ ചരണധൂലീലസന്മനിവരാ .

ബാലീഭൂതി ശ്രവസി താലീദലം വഹതി യാലീകശോഭിതിലകാ var യാലികാ

സാ ലീകരോതു മമ കാലീ മനഃ സ്വപദനാലീകസേവനവിധൗ .. 5..

ന്യങ്കാകരേ വപുഷി കങ്കാലരക്തപുഷി കങ്കാദിപക്ഷിവിഷയേ var പക്ഷവിഷയേ

ത്വം കാമനാമയസി കിം കാരണം ഹൃദയപങ്കാരിമേഹി ഗിരിജാം .

ശങ്കാശിലാനിശിതടങ്കായമാനപദസങ്കാശമാനസുമനോ-

ങ്കാരിമാനതതിമങ്കാനുപേതശശിസങ്കാശിവദ്രകമലാം .. 6..

കംബാവതീസമവിഡുംബാ ഗലേന നവതുംബാഭവീണസവിധാ

ശം ബാഹുലേയശശിബിംബാഭിരാമമുഖസംബാധിതസ്തനഭരാ , var ബിംബാധരാ

അംബാ കുരംഗമദജംബാലരോചിരിഹ ലംബാലകാ ദിശതു മേ var രഹ

ബിംബാധരാ വിനതശംബായുധാദിനികുരുംബാ കദംബവിപിനേ .. 7..

ഇന്ധാനകീരമണിബന്ധാ ഭവേ ഹൃദയബന്ധാവതീവ രസികാ

സന്ധാവതീ ഭുവനസന്ധാരണോപ്യമൃതസിന്ധാവുദാരനിലയാ

ഗന്ധാനുഭാനമുഹുരാലിവീതകചബന്ധാ സമർപയതു മേ

ശം ധാമ ഭാനുമപി സന്ധാനമാശു പദസന്ധാനമപഗസുതാ .. 8.

ഇതി ശ്രീ ശങ്കരാചാര്യ വിരചിത മംബാഷ്ടകം സമ്പൂർണം.

***

Note: Var = minor variations

The sloka's you read above are compiled from different sources.

That is why variations are found. In sloka itself there are variations

but that is not posted here.